उपाधि जित्न अष्ट्रेलियालाई १७३ रनको लक्ष्य

काठमाडौं । आईसीसी टी-ट्वान्टी विश्वकप क्रिकेटको फाइनलमा न्युजिल्याण्डले अष्ट्रेलियालाई जितका लागि १ सय ७३ रनको लक्ष्य दिएको छ ।

दुबई अन्तराष्ट्रिय क्रिकेट मैदानमा टस हारेर पहिले ब्याटिङ गरेको न्युजिल्याण्डले २० ओभरमा ४ विकेट गुमाएर १ सय ७२ रन बनायो ।

न्युजिल्याण्डका लागि कप्तान केन विलियम्सनले ८५ रनको अर्धशतकीय इनिङ्स खेले ।

यस्तै मार्टिन गुप्टिलले २८ रन जोड्दा ग्लेन फिलिप्सले १८ रन बनाए । डार्यल मिचेलले ११ रन जोडे ।

जेम्स निशमले अविजित १३ रन जोड्दा टिम सेइफर्टले अविजित ८ रन बनाए ।

अष्ट्रेलियाका जोस हाजलउडले १६ रन खर्चिएर ३ विकेट लिए । एडम जाम्पाले १ विकेट लिए ।