श्रीलंकाविरुद्ध दक्षिण अफ्रीकाको क्लिन स्विप

काठमाडौं । दक्षिण अफ्रीकाले घरेलु टिम श्रीलंकाविरुद्धको तीन खेलको टी-ट्वान्टी अन्तराष्ट्रिय सिरिजमा क्लिन स्विप गरेको छ।

कोलम्बोमा मंगलबार राति भएको तेस्रो खेलमा श्रीलंकालाई १० विकेटले हराउँदै दक्षिण अफ्रीकाले सिरिज ३-० ले क्लिन स्विप गरेको हो।

श्रीलंकाले दिएको १ सय २१ रनको लक्ष्य दक्षिण अफ्रीकाले १४ ओभर ४ बलमा विना विकेटको क्षतिमा पूरा गर्यो।

दक्षिण अफ्रीकाको जितमा क्विनटन डी ककले अविजित रहदै ५९ रनको अर्धशतकीय इनिङ्स खेले । यस्तै रिजा हेन्ड्रिक्सले अविजित रहदै ५६ रनको अर्धशतकीय इनिङ्स खेले ।

यस अघि पहिले ब्याटिङ गरेको श्रीलंकाले २० ओभरमा ८ विकेट गुमाएर १ सय २० रन बनाएको थियो।

श्रीलंकाका कुशल परेराले सर्वाधिक ३९ रन जोड्दा चामिका करुनारत्नेले अविजित २४ रन बनाए।

कप्तान दसुन शनकाले १८  र अभिस्का फर्नान्डोले १२ बनाए।

दक्षिण अफ्रीकाका कागिसो राबडा र फोर्टुनले २/२ विकेट लिए।