ओमानविरुद्ध आसिफको अर्धशतक   

काठमाडौं । आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्तराष्ट्रिय सिरिजको दोस्रो खेलमा नेपालले अहिले ओमानसँग प्रतिस्पर्धा गरिरहेको छ ।

ओमानको अल अमिरात क्रिकेट मैदानमा घरेलु टिमविरुद्ध नेपालले ब्याटिङ गरिरहेको छ ।

सुरुवातमा ब्याटिङ गरिरहेको नेपालका ओपनर ब्याट्सम्यान आसिफ शेखले अर्धशतक पूरा गरेका छन् ।

आसिफले ६२ बलमा ५१ रन बनाएका हुन् । जसमा उनले ५ चौका प्रहार गरे ।

एकदिवसीय अन्तराष्ट्रियमा आसिफको यो पहिलो अर्धशतक हो ।

आसिफ एकदिवसीय अन्तराष्ट्रियमा अर्धशतक बनाउने दशौँ नेपाली खेलाडी हुन् ।