काठमाडौं । युएई र ओमानमा संयुक्त रुपमा हुने आईसीसी टी-ट्वान्टी विश्वकप क्रिकेटका लागि पाकिस्ताले टिमको घोषणा गरेको छ ।
पाकिस्तानले सोमबार बाबर आजमको कप्तानीमा विश्वकप खेल्ने १५ सदस्यीय टिमको घोषणा गरेको हो ।
पाकिस्तानले घोषणा गरेको टिममा आसिफ अली र खुस्दील शाहले पुनरागमन गरेका छन् ।
टी-ट्वान्टी विश्वकप अक्टोबर १७ बाट नोभेम्बर १४ सम्म हुनेछ ।
पाकिस्तान सुपर १२ को समूह २ मा रहेको छ ।
यस समूहमा भारत समेत रहेको छ ।
पाकिस्तानले पहिलो खेलमै भारतसँग खेल्नेछ ।
पाकिस्तानले भारतसँग अक्टोबर २४ मा प्रतिस्पर्धा गर्नेछ ।
भारत र पाकिस्तानबीचको खेल दुबईमा हुनेछ ।
