काठमाडौं । घरेलु टिम बंगलादेशविरुद्धको तेस्रो टी-ट्वान्टी क्रिकेटमा न्युजिल्याण्डले जित निकालेको छ ।
ढाकामा आइतबार न्युजिल्याण्डले बंगलादेशलाई ५२ रनले हराएको हो ।
तेस्रो खेलमा जित निकालेको न्युजिल्याण्ड ५ खेलको सिरिजमा २-१ ले पछि रहेको छ ।
न्युजिल्याण्डले दिएको १ सय २९ रनको लक्ष्य पछ्याएको बंगलादेश १९ ओभर ४ बलमा अलआउट हुँदै ७६ रनमा समेटियो ।
बंगलादेशका मुस्फिकर रहिमले २० रन बनाए । यस्तै लिटोन दासले १५ रन जोड्दा मोहमद नाइमले १३ रन बनाए ।
बंगलादेशलाई सस्तैमा समेट्न अजाज पटेलले ४ विकेट लिए । कोलले ३ विकेट लिए ।
यस अघि पहिले ब्याटिङ गरेको न्युजिल्याण्डले २० ओभरमा ५ विकेट गुमाएर १ सय २८ रन बनाएको थियो ।
न्युजिल्याण्डका हेनरी निकोलसले अविजित ३६ रन जोड्दा टम ब्लुडेलले अविजित ३० रन बनाए । विल योङ र रचिन रविन्द्रले २०/२० रन बनाए । फिन एलनले १५ रन बनाए ।
बंगलादेशका मोहमद सैफुदीनले २ विकेट लिए ।
