मिडफिल्डर जेम्सद्वारा सम्झौता नवीकरण

काठमाडौं ।  इंग्लिस क्लब म्यानचेस्टर युनाईटेडका युवा मिडफिल्डर जेम्स गार्नरले सम्झौता नवीकरण गरेका छन् ।

२० वर्षीय मिडफिल्डरले सन् २०२४ सम्म क्लबमा रहने गरि सम्झौता नवीकरण गरेको युनाईटेडले जनाएको छ ।

युनाईटेडको एकेडेमीमा हुर्किएका जेम्सले सन् २०१८ मा सिनियर टिममा डेब्यु गरेका थिए ।

यस्तै युनाईटेडसँगको सम्झौता नविकरण गर्दै जेम्स नटिङघम फोरेस्टमा लोनमा अनुबन्धित भएका छन् ।

युनाईटेडले एक सिजनको लागि उनलाई लोनमा च्याम्पियनसिप क्लबमा पठाएको हो ।

गत सिजन पनि उनले फोरेस्टबाट लोनमा खेलेका थिए ।

अघिल्लो सिजन उनले २० खेलमा ४ गोल गरेका थिए ।

जेम्सले इंग्ल्यान्डको युथ टिमबाट खेलिसकेका छन् ।