काठमाडौं । डीएभी स्कुलको आयोजनामा सुशील केडिया मेमोरियल अन्तर-स्कुल क्रिकेट, फुटसल र टेबल टेनिस प्रतियोगिता बिहिबारबाट सुरु भएको छ ।
प्रतियोगितामा फुटसलतर्फ राजधानीका १३ तथा क्रिकेटमा ८ वटा टिमहरु सहभागी रहेका छन् ।
बिहिबार सम्पन्न क्रिकेटतर्फको समुह 'ए' मा डीएभी 'ए' र जेम्स स्कुलले सेमीफाइनलमा स्थान बनाएका छन् । पहिलो खेलमा डीएभी 'ए' ले जेम्स स्कुललाई ८ रनले पराजित गर्यो । यस्तै दोश्रो खेलमा ग्यालेक्सी स्कुलले एभीएम स्कुललाई ५९ रनले र तेश्रो खेलमा डीएभी 'ए' ले एभीएम स्कुललाई ७० रनले हरायो ।
चौथो खेलमा जेम्स स्कुलले ग्यालेक्सी स्कुललाई ३० रन, पाँचौ खेलमा जेम्स स्कुलले एभीएम स्कुललाई ३८ रनले तथा अन्तिम खेलमा डीएभी 'ए' ले ग्यालेक्सी स्कुललाई ४० रनले पराजित गर्यो।
फूटसलतर्फ डीएभी ए र बि , कान्जीराओ स्कुल, लिटल एन्जल्स, सैनिक स्कुल र मोडर्न इन्डियन स्कुल, पाठशाला र सेन्ट जेभियर जाउलाखेलले क्वार्टरफाइनलमा स्थान बनाएका छन् ।
प्रतियोगिता अन्तर्गत टेबल टेनिसतर्फको खेल शुक्रबार सुरु हुनेछ । प्रतियोगिताको उद्घाटन डीएभी स्कुलका प्रमुख अनिल केडियाले गरेका थिए ।
-1735306900.JPG)
