लामेला सेभियामा अनुबन्धित

एजेन्सी । इंग्लिस क्लब टोटेनहमका मिडफिल्डर एरिक लामेला स्पेनिस क्लब सेभियामा अनुबन्धित भएका छन् ।

ला लिगा क्लब सेभियाले मिडफिल्डर लामेलालाई अनुबन्धित गरिएको जनाएको छ ।

लामेलाले सेभियासँग २०२४ सम्मको सम्झौता गरेका छन् ।

अर्जेन्टिनाका २९ वर्षीय लामेला २०१३ मा रोमाबाट टोटेनहम आएका थिए ।

लामेलाले टोटेनहमका लागि २ सय ५७ खेलमा ३७ गोल गरेका थिए ।

अर्जेन्टिनाका लागि उनले २५ खेलमा ३ गोल गरेका छन् ।