इंग्ल्यान्डका पूर्व स्ट्राइकर पाउलको निधन

एजेन्सी । इंग्ल्यान्डका पूर्व स्ट्राइकर पाउल मारिनरको निधन भएको छ ।

इंग्ल्यान्ड फुटबलले स्ट्राइकर पाउलको ६८ वर्षको उमेरमा शुक्रबार निधन भएको जनाएको छ ।

इप्सविच टाउनका पूर्व स्ट्राइकर ब्रेन क्यान्सरबाट पीडित रहेका थिए ।

पाउलले इंग्ल्यान्डका लागि ३५ खेलमा १३ गोल गरेका थिए ।

सन् १९८२ को विश्वकपमा उनी इंग्ल्यान्डको टिममा रहेका थिए ।

उनले इप्सविच टाउनबाट एफए कप र यूईएफए कप जितेका थिए ।

पाउलले आर्सनल,  प्लेमाउथ, पोर्ट्समाउथ लगायतका क्लबबाट पनि फुटबल खेलेका थिए ।

खेल जीवनपछि  पाउल प्रशिक्षक भूमिकामा देखिएका थिए ।

 उनले एमएलएस क्लब टोरेन्टो एफसी र प्लेमाउथको टिम हेरेका थिए ।