टोटेनहमको मुख्य प्रशिक्षकमा नुनो

एजेन्सी । इंग्लिस प्रिमियर लिग क्लब टोटेनहमले पोर्चुगिज प्रशिक्षक नुनो सान्टोलाई मुख्य प्रशिक्षकमा नियुक्त गरेको छ ।

उल्भ्सका पूर्व प्रशिक्षक नुनोले टोटेनहमसँग दुई वर्षको सम्झौता गरेका छन् ।

जोसे मोरिन्हो बर्खास्त गरेपछि टोटेनहमको टिम रायन मासनले सम्हाल्दै आएका थिए ।

'टोटेनहमसँग जोडिनु खुशी र सम्मान हो । काम सुरु गर्न अगाडी बढ्दै छु,' सम्झौतापछि नुनोले भनेका छन् ।

नुनोले गत सिजनको अन्त्यसँगै उल्भ्स छाडेका थिए ।

पोर्चुगलका पूर्व गोलकिपर समेत रहेका नुनो सन् २०१७ मा उल्भ्सको मुख्य प्रशिक्षक नियुक्त भएका थिए ।

४७ वर्षीय नुनोकै नेतृत्वमा उल्भ्स प्रिमियर लिगमा बढुवा भएको थियो ।