‘ग्रुप अफ डेथ’ को मरण

एजेन्सी । युरो २०२० मा फुटबलका महाशक्ति राष्ट्र फ्रान्स, जर्मनी र पोर्चुगलले अन्तिम ८ मा स्थान बनाउन सकेनन् । वास्तवमा जसका धेरै फुटबल समर्थक छन् ।

युरो २०२० को नतिजाले धेरैलाई आश्चर्यमा पारेको छ । जसमा तीन शीर्ष टिम पोर्चुगल, फ्रान्स र जर्मनी क्वार्टरफाईनल पुग्नबाटै असफल रहे ।

प्रतियोगिता अघि । जो जुन ११ बाट सुरु भएको थियो । यि टिमलाई प्रतियोगिताको मुख्य दाबेदार मानिएको थियो । तर तीनै टिम एकै समूहमा परे । त्यसैले यस समूहलाई ‘ग्रुप अफ डेथ’ भनियो ।

फ्रान्सले पछिल्लो पटक विश्वकप जितेको थियो । पोर्चुगल युरोकपको साविक विजेता थियो । जर्मनी ठुला प्रतियोगितामा सधै दाबेदार हुने गर्दछ । उसले पटक पटक आफुलाई प्रमाणित समेत गरेको छ ।

तर फ्रान्स, जर्मनी र पोर्चुगल ‘ग्रुप अफ डेथ’बाट अन्तिम १६ मा स्थान बनाए ।

अहिले ‘ग्रुप अफ डेथ’ साच्चिकै मरेको अवस्था छ । धेरै सुपरस्टार खेलाडीले घरमै बसेर युरो कपको बाँकी खेल हेर्नेछन् ।

युरो कपमा तीन टिमको प्रर्दशन निम्न प्रकारको रह्यो ।

पोर्चुगल :

बेल्जियमले साविक विजेता पोर्चुगललाई अन्तिम १६ को खेलमा १–० ले हरायो । खेलले क्रिस्टियानो रोनाल्डो र पोर्चुगल टिमको युरोकपको उपाधि यात्रा समाप्त पार्यो । पाँच वर्ष अघि यही पोर्चुगलले पेरिसमा उपाधि उचालेको थियो ।

बेल्जियमलाई प्रतियोगिताको अर्को मुख्य दाबेदार मानिएको छ ।

स्टार खेलाडीले भरिएको पोर्चुगलमा ब्रुनो फर्नान्डेज, डिएगो जोटा, जोआओ फिलिक्स, रुविन डायस र बर्नार्डो सिल्भा थिए । जो युरोपका ठुला क्लबका स्टार खेलाडी हुन् । जसमा रोनाल्डो जस्ता खेलाडी समावेश थिए । तर प्रतियोगितामा पोर्चुगल निकै चाँडो घर फर्कियो ।

रोनाल्डोले चार खेलमा पाँच गोल गर्दै आफुलाई चम्काए । उनी प्रतियोगिताका अहिलेपनि सर्वाधिक गोलकर्ताको दौडमा अघि छन् ।

फ्रान्स :

साविक विश्व विजेता फ्रान्स अन्तिम १६ को खेलमा स्विटजरल्याण्डबाट पराजित बन्यो । स्विटजरल्याण्ड टिम ३–१ ले पछि परेको अवस्थाबाट बाहिर निस्कदै अन्तिम ५ मिनेटमा बराबरी गोल गर्दै ऐतिहासिक जित हासिल गर्यो । थपिएको अतिरिक्त समयमा समेत बराबरी भएपछि खेलको निर्णय पेनाल्टी सुटआउटबाट आएको थियो ।

स्विटजरल्याण्डका गोलकिपर यान सोमरले केलियन एम्बाप्पेको पेनाल्टी प्रहार रोकेपछि फ्रान्स प्रतियोगिताबाट बाहिरियो ।

स्विटजरल्याण्डले सन् १९३८ पछि पहिलो पटक नकआउट चरणमा जित हासिल गरेको हो । टिमले सन् १९५४ पछि पहिलो पटक अन्तिम ८ मा स्थान पक्का गरेका हो । शुक्रबार स्विटजरल्याण्डले स्पेनसंग सेन्ट पिटर्सवर्गमा क्वार्टरफाईनलको म्याच खेल्नेछ ।

‘इमान्दारीपूर्वक भन्नुपर्दा म अझै अचम्मित छु ।’ सोमरले भने । उनी स्विस टोलीका सर्वाधिक क्याप जित्ने खेलाडी हुन् । उनले ६५ अन्तराष्ट्रिय क्याप जितेका छन् ।

प्रतियोगिताबाट बाहिरिएसंगै फ्रान्सका प्रशिक्षक डिडियर डेसच्याम्पले खेलाडी र प्रशिक्षकको रुपमा विश्वकप र युरोकप दुवै जित्ने अवसर गुमाएका छन् ।

‘यो मेरो जिम्मेवारी हो । मैले खेलाडीलाई भनेको छु । यसको जिम्मेवारी म लिन्छु ।’ डेसच्याम्पले भने ।

उनले सन् २०१८ मा फ्रान्सबाट प्रशिक्षकको रुपमा विश्वकप जितेका थिए ।

जर्मनी :

जर्मनी सधै ठुला प्रतियोगिताको उपाधि दाबेदार मानिन्छ । जर्मनी चार पटक विश्वकप र तीन पटक युरो कप जितेको छ । यसले गर्दा जर्मनी विश्व फुटबलमा सर्वाधिक सफल देश हो ।

तर जर्मनी यसपटक इंग्ल्यान्डको सिकार बन्यो । जर्मनीलाई २–० ले हराउँदै इंग्ल्यान्डले क्वार्टरफाईनलमा आफ्नो स्थान पक्का गर्यो ।

खेलको ७५ औं मिनेटमा इंग्ल्यान्डले रहिम स्टर्लिङको गोलमा खेलमा अग्रता बनाएको थियो । लुक शको पासमा स्टर्लिङले जर्मनीलाई १–० ले अघि बढाएका थिए ।

खेलको ८१ औं मिनेट थोमस मुलर ‘वान भर्सेस वान’मा गोल गर्न चुके । काई हभार्टजको पासमा मुलरले गोलको अवसर गुमाएका थिए । त्यसको ५ मिनेटमा ह्यारी केनले गोल गर्दै इंग्ल्यान्डको जित सुनिश्चित गरेका थिए । सन् १९६६ को विश्वकपको फाईनलपछि ठुलो प्रतियोगितामा पहिलो पटक इंग्ल्यान्ड टिमले जर्मनीबाट जित हासिल गरेको हो । वेम्बलीमा पराजित बन्दै जर्मनी घर फर्कन बाध्य भएको छ ।