एजेन्सी । पाकिस्तान सुपर लिग (पीएसएल) टी-ट्वान्टी क्रिकेट प्रतियोगिताको बाँकी खेलहरु जुन १ बाट सुरु हुने भएको छ ।
पाकिस्तान क्रिकेट बोर्डले सहभागि टिमसँगको छलफलपछि प्रतियोगिताको बाँकी खेल जुन१ बाट सुरु गर्ने निर्णय गरेको हो ।
पाकिस्तान क्रिकेट बोर्डले फाइनल खेल जुन २० मा कराँचीमा हुने समेत जनाएको छ ।
पीएसएलको बाँकी खेलहरु बायो-सेक्युरिटी प्रोटोकलमा भित्र रहेर प्रतिस्पर्धा गराईनेछ ।
कोरोना भाईरसको कारण प्रतियोगिता जारी रहदै स्थगित गरिएको थियो ।
खेलाडी र स्टाफमा कोरोना भाईरसको संक्रमण देखिन थालेपछि प्रतियोगिता स्थगित गरिएको थियो ।
यस सिजनको लागि नेपालका लेग स्पिनर सन्दीप लामिछाने पनि कराँची पुगेका थिए ।
सन्दीपले लाहोर क्वालन्डर्सबाट पीएसएल खेल्ने तय थियो ।
लाहोरले सन्दीपलाई राशिद खानको स्थानमा अनुबन्ध गरेको हो ।
तर, सन्दीप एक खेल नखेल्दै नेपाल फर्किएका थिए ।
