काठमाडौं । नेपाली राष्ट्रिय क्रिकेट टिमका खेलाडीहरुले कोरोनाविरुद्धको खोप लगाएका छन् ।
नेपाल क्रिकेट संघ (क्यान) को पहलमा खेलाडीले कोरोनाविरुद्धको खोप लगाएका हुन् ।
ओम अस्पतालमा २० खेलाडी र १ फिजियो गरि २१ जनाले खोप लगाएका हुन् ।
त्रिकोणात्मक टी-ट्वान्टी सिरिजको तयारी गरिरहेको नेपाली टिमले खोप लगाएका हुन् ।
नेपालले घरेलु भूमिमा नेदरल्यान्ड्स र मलेसियासँग त्रिकोणात्मक टी–ट्वान्टी सिरिज खेल्नेछ ।
सिरिज बैशाख ४ देखि ११ गतेसम्म (अप्रिल १७–२४) हुनेछ ।
डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।
सिरिजका लागि क्यानले २० खेलाडीलाई बन्द प्रशिक्षणमा बोलाएको छ ।
