काठमाडौं । एलआरआई र रातो बंगला प्रथम ओसिस कप उपत्यकाव्यापी अन्तरविद्यालय बास्केटबल प्रतियोगिताअन्तर्गत गल्र्सको थ्री बाइ थ्रीतर्फ शनिबार फाइनलमा प्रवेश गरेका छन् ।
ढोलाहिटीस्थित आयोजक ओसिस स्कुलको कोर्टमा भइरहेको प्रतियोगिताको पहिलो सेमिफाइनलमा एलआरआईले विल्सन एकेडेमीलाई ६–५ ले पराजित गर्यो । एलआरआईको जितमा सम्भव सबै ६ स्कोर सोनिया राणाले गरिन् । दोश्रो तथा अन्तिम सेमिफाइनलमा रातो बंगलाले ग्रामरलाई २०–७ ले हरायो ।
ब्वाइजमा होप भ्याली र विल्सन एकेडेमीले यसअघि नै उपाधि भिडन्त पक्का गरिसकेका छन् । सेमिफाइनलमा होप भ्यालीले एलआरआईलाई ४८–४६ तथा विल्सनले किस्कलाई ६०–५५ ले पाखा लगाएका थिए । दुवै समूहको फाइनल आइतबार हुनेछ ।
-1735306900.JPG)
