बेल चम्किदा टोटेनहमको सानदार जित

एजेन्सी । इंग्लिस प्रिमियर लिग फुटबलमा टोटेनहमले सानदार जित निकालेको छ ।

आइतबार राति भएको खेलमा टोटेनहमले बर्नलीलाई ४-० गोल अन्तरले पराजित गरेको हो ।

घरेलु मैदानमा टोटेनहमलाई जित दिलाउन ग्यारेथ बेलले दुई गोल गरे ।

ह्यारी केन र लुकास मौराले एक एक गोल थपे ।

खेलको दोस्रो मिनेटमा बेलले गोल गर्दै टोलीलाई अग्रता दिलाएका थिए ।

खेलको १५ औं मिनेटमा केनले गोल गर्दै टिमको अग्रता २-० को बनाए ।

३१ औं मिनेटमा लुकासले गोल गरेपछि टोटेनहमले ३-० को अग्रता बनायो ।

त्यसपछि खेलको ५५ औं मिनेटमा बेलले व्यक्तिगत दोस्रो गोल गर्दै टोटेनहमलाई ४-० को जित दिलाए ।

जितसँगै टोटेनहमले २५ खेलमा ३९ अंक जोडेको छ ।

टोटेनहम तालिकाको आठौं स्थानमा रहेको छ ।

बर्नली २८ अंक जोडेर १५ औं स्थानमा रहेको छ ।