एजेन्सी । घरेलु टिम पाकिस्तानविरुद्धको दोस्रो टी-ट्वान्टी क्रिकेटमा दक्षिण अफ्रीकाले जित निकालेको छ ।
लाहोरमा शनिबार राति भएको खेलमा दक्षिण अफ्रीकाले पाकिस्तानलाई ६ विकेटले हराएको हो ।
पाकिस्तानले दिएको १ सय ४५ रनको लक्ष्य दक्षिण अफ्रीकाले १६ ओभर २ बलमा ४ विकेट गुमाएर पुरा गर्यो ।
दक्षिण अफ्रीकाका लागि रिजा हेन्ड्रिक्स र पिटी भान बिल्जोनले समान ४२ रन बनाए । डेभिड मिलरले अविजित २५ रन बनाए ।
पाकिस्तानका शहिन साह अफ्रिदीले २ लिए ।
यस अघि पहिले ब्याटिङ गरेको पाकिस्तानले २० ओभरमा ७ विकेट गुमाएर १ सय ४४ रन बनाएको थियो ।
पाकिस्तानका लागि मोहमद रिजवानले ५१ रनको अर्धशतकीय इनिङ्स खेले ।
यस्तै फहिम आश्रफले अविजित ३० रन बनाए ।
दक्षिण अफ्रीकाका ड्वेन प्रिटोरिओसले ५ २ विकेट लिए ।
यस जितसँगै दक्षिण अफ्रीकाले ३ खेलको टी-ट्वान्टी सिरिजमा १-१ को बराबरी गरेको छ ।
पहिलो खेलमा पाकिस्तानले दक्षिण अफ्रीकालाई ३ रनले हराएको थियो ।
