काठमाडौं । नेपाली राष्ट्रिय क्रिकेट टोलीका अलराउण्डर करण केसी आबद्द पुने डेभिल्सले आबुधाबी टी-१० लिगमा चौंथो हार व्यहोरेको छ ।
मंगलबार भएको खेलमा पुने दिल्ली बुल्ससँग ८ विकेटले पराजित भएको हो ।
पुनेले दिएको ५८ रनको लक्ष्य बुल्सले ४ ओभर ४ बलमा २ विकेट गुमाएर पुरा गर्यो ।
बुल्सको जितमा रहमानउल्लाह गुरुबाजले २६ रन बनाए । रुथरफोर्डले अविजित १४ रन जोड्दा इभिन लेविसले अविजित १३ रन बनाए ।
पुनेका मुनिस अन्सारी र मोहमद आमिरले १/१ विकेट लिए ।
यस अघि पहिले ब्याटिङ गरेको पुनेले १० ओभरमा ७ विकेट गुमाएर ५७ रन बनाएको थियो ।
पुनेका डेभोन थोमसले अविजित १५ रन जोड्दा केनर लेविसले पनि १५ रन बनाए । टम काडमोर ११ रनमा आउट भए ।
टी-१० मा पहिलो पटक ब्याटिङ गरेका करण सुन्य रनमा आउट भए ।
बुल्सका अलि खानले ३ विकेट लिए ।
यो हारसंगै समूह 'बी' मा रहेको पुनेले ५ खेलमा २ अंक जोडेको छ ।
पुने पुछारमा रहेको छ ।
