एजेन्सी । न्युजिल्याण्ड आईसीसी विश्व टेस्ट च्याम्पियनसिपको फाइनलमा प्रवेश गरेको छ ।
च्याम्पियनसिप अन्तर्गत अष्ट्रेलिया र दक्षिण अफ्रीकाबीचको सिरिज स्थगित भएसंगै न्युजिल्याण्ड फाइनलमा पुगेको हो ।
कोरोना भाईरसको महामारीको कारण अष्ट्रेलियाले दक्षिण अफ्रीकाको भ्रमण स्थगित गरेको थियो ।
दुई टिमबीच तीन खेलको सिरिज खेल्ने तालिका रहेको थियो ।
अब तीन टिम इंग्ल्यान्ड, भारत र अष्ट्रेलिया मध्ये एक टिम फाइनलमा पुग्नेछ ।
फाइनल पुग्ने टिमले न्युजिल्याण्डसँग उपाधिको लागि खेल्नेछ ।
टेस्ट च्याम्पियनसिपको फाइनल आगामी जुनमा लर्ड्समा हुनेछ ।
