एजेन्सी । अष्ट्रेलिया क्रिकेट टिमको दक्षिण अफ्रीका भ्रमण स्थगित भएको छ ।
क्रिकेट अष्ट्रेलियाले मंगलबार दक्षिण अफ्रीका भ्रमण स्थगित गरिएको जनाएको छ ।
दक्षिण अफ्रीकामा दोस्रो चरणको कोरोना भाईरसको महामारी सुरु भएपछि भ्रमण स्थगित गरिएको हो ।
क्रिकेट अष्ट्रेलियाले दक्षिण अफ्रीकाको भ्रमण रद्द भने नभएको जनाएको छ ।
दुई देशबीचको छलफल पछि नयाँ भ्रमण तालिका घोषणा गरिने अष्ट्रेलिया क्रिकेटले जनाएको छ ।
अष्ट्रेलिया र दक्षिण अफ्रीकाबीच तीन खेलको टेस्ट सिरिज खेल्ने तालिका रहेको थियो ।
अष्ट्रेलियाले दक्षिण अफ्रीकाविरुद्धको टेस्ट सिरिजका लागि १९ सदस्सीय टिमको घोषणा समेत गरेको थियो ।
