करण आबद्द पुनेको अर्को हार

काठमाडौं । नेपाली राष्ट्रिय क्रिकेट टोलीका अलराउण्डर करण केसी आबद्द पुने डेभिल्सले आबुधाबी टी-१० लिगमा तेस्रो हार व्यहोरेको छ ।

सोमबार भएको खेलमा पुने बंगला टाइगर्ससँग ८ विकेटले पराजित भएको हो ।

पुनेले दिएको १ सय १६ रनको लक्ष्य बंगलाले ८ ओभर ५ बलमा २ विकेट गुमाएर पुरा गर्यो ।

बंगलाको जितमा टम मोरेसले अविजित ३८ रन जोडे । यस्तै आन्द्रे फ्लेट्चर र चिराग सुरीले ३०/३० रन बनाए ।

पुनेका मोहमद आमिरले १ विकेट लिए ।

करण एक ओभर बलिङ गर्दै १७ रन खर्चिएर विकेट विहीन भए ।

यस अघि पहिले ब्याटिङ गरेको पुनेले १० ओभरमा ३ विकेट गुमाएर १ सय १५ रन बनाएको थियो ।

पुनेका टम काडमोरले ४८ रन बनाए ।

यस्तै एलेक्स डेभिसले अविजित ४१ रन बनाए ।

यो हारसंगै समूह 'बी' मा रहेको पुनेले ४ खेलमा २ अंक जोडेको छ ।

पुने पुछारमा रहेको छ ।