काठमाडौं । महोत्तरीको जलेश्वरमा 'इन्टर स्कुल क्रिकेट प्रतियोगिता' आयोजना हुने भएको छ ।
जिल्ला क्रिकेट संघ महोत्तरीको आयोजना एवंम नरेश सिंह क्रिकेट एकेडमीको संयोजकत्वमा माघ २३ गतेबाट प्रतियोगिता आयोजना हुने भएको हो ।
प्रतियोगितामा कुल १६ टिमहरुको सहभागिता रहनेछ।
लगातार सात वर्षबाट हुँदै आइरहेको प्रतियोगिताको कुल बजेट पाँच लाख रहेको छ ।
प्रतिभावान क्रिकेट खेलाडी उत्पादनको लागि विद्यालय स्तरबाटै क्रिकेट प्रतिको चाहना र प्रतिभालाई अझ बलियो बनाउन, खेलकुदको माध्यमबाट अनुशासन कायम राख्न, स्वस्थ नागरिक तयार गर्ने उद्देश्यले प्रतियोगिता गर्न लागिएको आयोजक महोत्तरी जिल्ला क्रिकेट संघले जनाएको छ।
