काठमाडौं । नेपाली राष्ट्रिय क्रिकेट टोलीका अलराउण्डर करण केसी आबद्द पुने डेभिल्सले आबुधाबी टी-१० लिगमा हार व्यहोरेको छ ।
आइतबार भएको खेलमा पुने टिम आबुधाबीसँग ५ विकेटले पराजित भएको हो ।
पुनेले दिएको १ सय ३० रनको लक्ष्य आबुधाबीले ८ ओभर ३ बलमा ५ विकेट गुमाएर पुरा गर्यो ।
आबुधाबीको जितमा जेमी ओभर्टनले अविजित ३८ रन जोडे । यस्तै जोइ कार्ल्कले २९ रन जोड्दा पाउल स्ट्रर्लिङले २३ रन बनाए ।
पुनेका हार्डुस भिलजोइनले ३ विकेट लिए । यस्तै करणले १ विकेट लिए ।
टी-१० लिगमा पहिलो विकेट लिने क्रममा करणले क्रिस गेललाई आफ्नो पहिलो बलमै ९ रनमा बोल्ड आउट गरे ।
करणले १ ओभर बलिङ गर्दै १८ रन खर्चिएर १ विकेट लिएका हुन् ।
यस अघि पहिले ब्याटिङ गरेको पुनेले १० ओभरमा ४ विकेट गुमाएर १ सय २९ रन बनाएको थियो ।
पुनेका टम काडमोरले अविजित रहदै ६१ रनको अर्धशतकीय इनिङ्स खेले ।
यस्तै वाल्टनले २३ रन जोड्दा थोमसले २१ रन बनाए ।
आबुधाबीका ओबेड म्याककोयले २ विकेट लिए ।
करण आबद्द पुनेको यो दोस्रो हार हो ।
समूह 'बी' मा रहेको पुनेले ३ खेलमा २ अंक जोडेको छ ।
पुने पुछारमा रहेको छ ।
आबुधाबीको यो पहिलो जित हो ।
आबुधाबी २ अंक जोडेर तेस्रो स्थानमा रहेको छ ।
