काठमाडौं । प्रधानमन्त्री कप (पीएम कप) एकदिवसीय पुरुष क्रिकेट प्रतियोगिताको दोस्रो सेमिफाइनल खेल आज हुँदैछ ।
टियु क्रिकेट मैदानमा हुने दोस्रो सेमिफाइनलमा बागमती प्रदेश र त्रिभुवन आर्मी क्लब भिड्ने छन् ।
बागमती र आर्मीबीचको भिडन्त बिहान ९ बजे सुरु हुनेछ ।
दोस्रो सेमिफाइनलको लागि मैदान उत्रदा दुबै टिम जित निकाल्ने योजनामा हुनेछ ।
दुई उपाधि दाबेदार टिम जित निकाल्दै फाइनलमा पुग्न चाहन्छ ।
यस खेलको विजेताले फाइनलमा एपीएफसँग खेल्नेछ ।
पुलिसलाई हराएर एपीएफ उपाधि नजिक पुगिसकेको छ ।
प्रतियोगितामा दुबै टिम निकै बलियो देखिएको छ ।
समूह चरणमा दुबै टिमले उत्कृष्ट खेलेका थिए ।
समूह 'बी' को बागमती ४ खेलमा ७ अंक जोडेर समूह विजेता बनेको हो ।
आर्मी ६ अंक जोडेर समूह 'ए' को उपविजेता बनेको थियो ।
प्रतियोगिताको विजेताले १० लाख पाउने छ । यस्तै उपविजेताले ५ लाख पाउने नेपाल क्रिकेट संघ क्यानले जनाएको छ ।
