काठमाडौं । नेपाली राष्ट्रिय क्रिकेट टिमले कतारसँग बाइल्याट्रल टी-ट्वान्टी सिरिज खेल्ने भएको छ ।
नेपाल क्रिकेट संघ क्यानको मंगलबार बसेको बोर्ड बैठकले बाइल्याट्रल टी-ट्वान्टी सिरिजमा सहभागिता जनाउने निर्णय गरेको हो ।
कतार क्रिकेट एसोसिएसनले आयोजना गर्ने सिरिज फेब्रुवरी ९ देखि १२ सम्म हुनेछ ।
सिरिज कतार स्पोर्ट्स डे को अवसरमा हुन लागेको हो ।
यस सिरिज मुख्य प्रशिक्षक देभ वाटमोरको पहिलो प्रतियोगिता हुनेछ ।
यस्तै क्यानले फेब्रुवरी १ बाट राष्ट्रिय टिमको बन्द प्रशिक्षण सुरु गर्ने जनाएको छ ।
