एजेन्सी । बिग बास लिग (बीबीएल) टी-ट्वान्टी क्रिकेटमा मेलबर्न रेनेगेड्सले होबार्ट हरिकेन्सलाई जितका लागि १ सय ५१ रनको लक्ष्य दिएको छ ।
मेलबर्नमा टस हारेर पहिले ब्याटिङ गरेको रेनेगेड्सले २० ओभरमा ५ विकेट गुमाएर १ सय ५० रन बनायो ।
रेनेगेड्सका लागि बेउ वेब्स्टरले अविजित रहदै ५४ रनको अर्धशतकीय इनिङ्स खेले ।
यस्तै वाल्टर हार्भेले ४० रन जोडे । साम हार्पेरले १९ रन जोड्दा साउन मार्श र इमाद वासिमले १२/१२ रन जोडे ।
होबार्टका रिले मेरेडिथले ३ विकेट लिए ।
नेपाली लेग स्पिनर सन्दीप लामिछाने विकेट विहिन बने । उनले ४ ओभरमा ३५ रन खर्चेर विकेट लिन सकेनन् ।
सन्दीपले यस सिजन ८ विकेट लिईसकेका छन् ।
रेनेगेड्सविरुद्ध मैदान उत्रदा होबार्ट आठौं जितको खोजीमा हुनेछ ।
होबार्ट २७ अंक जोडेर पाँचौ स्थानमा रहेको छ ।
रेनेगेड्स १३ अंक जोडेर पुछारमा रहेको छ ।
होबार्टविरुद्ध रेनेगेड्स चौंथो जितको खोजीमा हुनेछ ।
