एजेन्सी । घरेलु टिम श्रीलंकाविरुद्धको दोस्रो टेस्टको तेस्रो दिन आइतबार इंग्ल्यान्ड रन जोड्न संघर्ष गरिरहेको छ ।
गालेमा दिनको खेल सकिदा इंग्ल्यान्डले ९ विकेट गुमाएर ३ सय ३९ रन जोडेको छ ।
इंग्ल्यान्ड पहिलो इनिङ्समा श्रीलंका भन्दा ४२ रनले पछि रहेको छ ।
इंग्ल्यान्डका जोए रुटले १ सय ८६ रनको शतकीय इनिङ्स खेले । जस बटलरले ५५ रनको योगदान दिए ।
जोनी बियरस्टो २८ रनमा आउट हुँदा डम बेसले ३२ रन बनाए ।
श्रीलंकाका लसिथ इमबुल्डेनियाले ७ लिए ।
यस अघि एन्जेलो म्याथ्युजको शतकको मद्दतमा श्रीलंकाले सबै विकेट गुमाएर ३ सय ८१ रन जोडेको थियो ।
म्याथ्युजले १ सय १० रनको योगदान दिए ।
यस्तै निरोशन डिकवेलाले ९२ रन जोड्दा दिलरुवान परेराले ६७ रन जोडे ।
यस्तै दिनेश चन्डिमलले ५२ रन बनाए । लहिरु थिरेमने ४३ रनमा आउट भए ।
इंग्ल्यान्डका जेम्स एन्डरले ६ विकेट लिए । मार्क उडको नाममा ३ विकेट रह्यो ।
सिरिजमा इंग्ल्यान्ड १-० ले अघि रहेको छ ।
