एजेन्सी । अष्ट्रेलियामा जारी बिग बास लिग (बीबीएल) टी-ट्वान्टी क्रिकेटमा नेपाली लेग स्पिनर सन्दीप लामिछाने आबद्द होबार्ट हरिकेन्स पराजित भएको छ ।
मेलबर्नमा शुक्रबार भएको खेलमा होबार्ट पर्थ स्कर्चर्ससँग २२ रनले पराजित भएको हो ।
पर्थले दिएको १ सय ८० रनको लक्ष्यसहित जवाफी ब्याटिङ गरेको होबार्टले २० ओभरमा ८ विकेट गुमाएर १ सय ५७ रन मात्र बनाउन सक्यो ।
होबार्टका लागि डीआर्ची शर्टले सर्वाधिक ४३ रन बनाए ।
यस्तै पिटर ह्यान्डकम्पले ३० रन जोड्दा टिम डाभिडले २७ रन जोडे । विल ज्याक्स २१ रनमा आउट भए ।
पर्थका जे रिचार्डसनले ४ विकेट लिए । जासनले २ विकेट लिए ।
यस अघि टस जितेर पहिले ब्याटिङ गरेको पर्थले २० ओभरमा ८ विकेट गुमाएर १ सय ७९ रन बनाएको थियो ।
पर्थका लागि जोश इन्लिशले ५८ रनको अर्धशतकीय इनिङ्स खेले ।
लियाम लिभिङस्टोनले २६ रन जोड्दा जासन रोयले २० रन बनाए ।
एस्टन टर्नर १५ रनम आउट हुँदा जे रिचार्डसनले २९ रन बनाए ।
होबार्टका नाथन एलिसले ४ विकेट लिए । सन्दीप लामिछानेले २ विकेट लिए ।
सन्दीपले ४ ओभरमा २७ रन खर्चिएर २ विकेट लिएका हुन् ।
जितसंगै पर्थले १२ खेलमा २८ अंक जोडेको छ ।
पर्थ दोस्रो स्थानमा रहेको छ ।
सन्दीप आबद्द होबार्ट १२ खेलमा २३ अंक जोडेर छैटौं स्थानमा रहेको छ ।
