एजेन्सी । अष्ट्रेलियामा जारी बिग बास लिग (बीबीएल) टी-ट्वान्टी क्रिकेटमा होबार्ट हरिकेन्सले जित निकालेको छ ।
नेपाली लेग स्पिनर सन्दीप लामिछाने आबद्द होबार्टले सोमबार सिड्नी थन्डरलाई ६ विकेटले पराजित गरेको हो ।
सिड्नीले दिएको १ सय ७८ रनको लक्ष्य होबार्टले १८ ओभरमा ४ विकेट गुमाएर पुरा गर्यो ।
होबार्टको जितमा बेन म्याकडेरमोटले ९६ रनको अर्धशतकीय इनिङ्स खेले । डाविड मालनले ४२ रन जोड्दा पिटर हान्ड्सकम्पले अविजित २१ रन बनाए ।
सिड्नीका तान्भिर साँघाले २ विकेट लिए ।
यस अघि पहिले ब्याटिङ गरेको सिड्नीले २० ओभरमा ५ विकेट गुमाएर १ सय ७७ रन बनाएको थियो ।
सिड्नीका लागि साम विलिङ्सले ५० रनको अर्धशतकीय इनिङ्स खेले । एलेक्स हेल्सले २९ रन जोड्दा उस्मान ख्वाजाले २७ रन बनाए ।
कप्तान कलुम फर्गुसनले २३ रन जोडे । डानिल साम्सले अविजित १६ रन जोड्दा बेन कटिङ १५ रनमा अविजित रहे ।
होबार्टका स्कट बोलाण्डले ४ विकेट लिए । सन्दीप विकेट विहीन भएका छन् ।
४ ओभर बलिङ गरेका सन्दीपले २८ रन खर्चिए ।
जितसंगै होबार्टले ११ खेलमा २३ अंक जोडेको छ ।
होबार्ट चौंथो स्थानमा रहेको छ ।
सिड्नी २३ अंक जोडेर दोस्रो स्थानमा रहेको छ ।
-1736873565.JPG)
