लाकाजेट्टी चम्कदा आर्सनलको शानदार जित

एजेन्सी । प्रिमियर लिग फुटबलमा आर्सनलले वेस्ट ब्रोमलाई हराएको छ ।

शनिबार राति पाहुना टोली आर्सनलले वेस्ट ब्रोमलाई ४–० ले हराएको हो ।

यस सिजन निकै खराब सुरुवात गरेको आर्सनल विस्तारै लयमा आएको देखिएको छ ।

डिफेन्डर किरेन टिएर्नीले एकल रुपमा बल अघि बढाउँदै आर्सनललाई सुरुवाती अग्रता दिलाएका थिए ।

पहिलो हाफमै बुकायो साकाले लण्डन क्लबको अग्रता दोब्बर बनाए ।

अलेक्जेन्ड्रे लाकाजेट्टीले दोस्रो हाफमा लगातार दुई गोल गर्दै आर्सनललाई फराकिलो जिततर्फ अग्रसर गराएका थिए । लाकाजेट्टीले चार मिनेटको अन्तरमा दुई गोल गर्दै आर्सनललाई शानदार जित दिलाएका हुन् ।

आर्सनलले लगातार तेस्रो खेलमा जित हासिल गरेको हो । त्यसअघि आर्सनल ७ खेलमा जित निकाल्न असफल थियो ।

वेस्ट ब्रोमले नयाँ ब्यवस्थापक साम एलार्डिसको नेतृत्वमा चौथो खेल खेलेको हो । तर पनि क्लब तालिकामा पुछारदेखि दोस्रोमा छ ।

लण्डन क्लब २३ अंक जोड्दै तालिकाको ११ औं स्थानमा छ ।