सिटीका ५ खेलाडीले चेल्सीविरुद्धको खेल गुमाउने

एजेन्सी । इंग्लिस प्रिमियर लिग फुटबल अन्तर्गत चेल्सीविरुद्धको खेलमा म्यानचेस्टर सिटीका पहिलो रोजाईका पाँच खेलाडी उपलब्ध नहुने भएका छन् ।

कोरोना भाईरसको कारण चेल्सीविरुद्धको खेलमा सिटीका मुख्य ५ खेलाडी मैदान नउत्रने भएका हुन् ।

ग्राबियल जिसस र केली वाल्करसहित पाँच खेलाडीले चेल्सीविरुद्ध नखेल्ने गोलडटकमले जनाएको छ ।

कोरोना पोजेटिभ देखिएपछि उनीहरु सेल्फ आईसोलेसनमा बसेको बताईएको छ ।

सिटीका मुख्य प्रशिक्षक पेप ग्वार्डीओलाले समेत पाँच खेलाडी टिम बाहिर रहेको पुष्टि गरेका छन् ।

'पाँच खेलाडी अहिले टिम बाहिर छन् । उनीहरु १० दिनको सेल्फ आईसोलेसनमा छन्,' पत्रकार सम्मेलनमा ग्वार्डीओलाले भनेका छन् ।

यस्तै सिटीका दुई स्टाफमा समेत कोरोना देखिएको बताईएको छ ।

प्रिमियर लिग अन्तर्गत सिटीले जनवरी ३ मा चेल्सीसँग खेल्नेछ ।

खेल चेल्सीको घरेलु मैदानमा स्टामफोर्ड ब्रिजमा हुनेछ ।

लिगमा सिटी २६ अंक जोडेर आठौं स्थानमा रहेको छ ।

चेल्सी २६ अंक जोडेर नै छैटौ स्थानमा रहेको छ ।