उल्भ्ससंग टोटेनहमको बराबरी

एजेन्सी । ईङ्लिस प्रिमियर लिग फुटबलमा टोटेटनहमको उल्भ्ससंग बराबरी खेलेको छ ।

आईतबार राति टोेटनहमले उल्भ्ससंग १–१ गोलको बराबरी खेल्दै अंक बाँडेको हो ।

सुरुवाती पहिलो मिनेटमै टाङ्गे नेडोम्बेलेले पाहुना टोललाई अग्रता दिलाएका थिए । वेन डेभिसको पासमा नेडोम्बेले टोटेनहमका लागि गोल गरेका थिए ।

खेल सकिन चार मिनेट बाँकी छदाँ रोमस सैसले घरेलु टोलीका लागि बराबरी गोल फर्काएका थिए ।

खेल पछि टोटनहमका प्रशिक्षक जोसे मौरिन्हो निराश देखिए ।

‘हामी नतिजाबाट दिक्क छौ । हामीले खेल नियन्त्रणमा राख्यौ । हामीसंग थप गोल गर्न ८९ मिनेट थियो । तर हामीले सकेनौ ।’ उनले थपे ।

उल्भ्सविरुद्ध जित निकाल्दै तेस्रो स्थानमा उक्लिने मौका टोटेनहमलाई थियो । तर टिम तालिकाको पाँचौ स्थानमा उक्लिएको छ । टोटेनहम म्यान्चेष्टर दुई क्लबको बीचमा बसेको छ ।

यद्धपी उसले एक खेल बढी खेलेको छ । उल्भ्स २१ अंक जोड्दै तालिकाको ११ औं स्थानमा छ ।