लिग लिडर सोसिडाड बराबरीमा रोकियो

एजेन्सी । स्पेनिस ला लिगा फुटबलमा रियल सोसिडाड बराबरीमा रोकिएको छ ।

आइतबार राति भएको खेलमा सोसिडाड भिल्ला रियलसँग १-१ गोलको बराबरीमा रोकिएको हो ।

सोसिडाडको मैदानमा जेरार्ड मोरेनोले छैटौं मिनेटमा पेनाल्टीबाट गोल गर्दै भिल्लालाई अग्रता दिलाएका थिए ।

तर, खेलको ३३ औं मिनेटमा मिकेल ओयार्जाबलले पेनाल्टीमा गोल गर्दै सोसिडाडलाई १-१ गोलको बराबरीमा ल्याए ।

त्यसपछि दुबै टोलीले थप गोल गर्न सकेनन् र खेल बराबरीमा सकियो ।

बराबरीसँगै सोसिडाडले ११ खेलमा २४ अंक जोडेको छ ।

सोसिडाड शीर्ष स्थानमा यथावत रहेको छ ।

भिल्ला २० अंक जोडेर तेस्रो स्थानमा रहेको छ ।

ला लिगाकै अर्को खेलमा सेल्टा भिगोले ग्रानडालाई ३-१ ले हराएको छ ।