युरोपा लिग ड्र : आर्सनल सहज समूहमा

एजेन्सी । युरोपा लिग फुटबलको समूह चरणको खेल तालिका सार्वजनिक भएको छ ।

यूईएफएले शुक्रबार नयाँ सिजनको लागि समूह चरणको खेल तालिका सार्वजनिक गरेको हो ।

समूह चरणको खेल तालिका अनुसार प्रिमियर लिग क्लब आर्सनल सहज समूहमा परेको छ ।

समूह 'बी' मा रहेको आर्सनलले समूह चरणमा रापिड वेन, मोल्डे र डुनडाल्कसँग खेल्नेछ ।

अर्को इंग्लिस क्लब टोटेनहम समूह 'जे' मा रहेको छ । यस समूहमा टोटेनहमसँगै लुडोगोर्ट्स, एलएएस्के र रोयल एन्टविर्र्प रहेका छन् ।

इटालियन क्लब रोमा समूह 'ए' मा पर्दा नापोली समूह 'एफ' मा रहेको छ ।

यस्तै इटालियन क्लब एसी मिलान समूह 'एच' मा रहेको छ ।