बर्नमाउथबिरुद्ध सिटीको जित

एजेन्सी । कारबाओ कपमा म्यान्चेष्टर सिटीले बर्नमाउथलाई हराएको छ ।

बिहिबार भएको खेलमा सिटीले बर्नमाउथलाई २–१ गोल अन्तरले हराएको हो ।

जितसंगै सिटी कारबाओ कपको चौथो चरणमा प्रवेश गरेको छ ।

युवा खेलाडी लियाम डेलपले सिनियर टिमबाट डेब्यु गरेको खेलमा गोल गरे । उनैको गोलमा सिटीले १८ औं मिनेटमा खेलमा अग्रता बनाएको थियो ।

फिल फोडिनले उपलब्ध गराएको पासलाई सदुपयोग गर्दै डेलपले गोल गरेका थिए ।

साम सर्रिजले बर्नेमाउथका लागि २२ औं मिनेटमा बराबरी गोल फर्काएका थिए ।

खेल सकिन १५ मिनेट अघि फोडिनले सिटीका लागि विजयी गोल गरेका थिए ।

सिटीले चौथो चरणको खेलमा प्रिमियर लिग क्लब वर्नलीसंग प्रतिस्पर्धा गर्नेछ ।