एसियन गेम्स : टेबल टेनिसको महिला टिम स्पर्धा लगातार दोस्रो हार

काठमाडौं । इन्डोनेसियामा जारी १८ औं एसियन गेम्स अन्तर्गत टेबल टेनिसको टिम स्पर्धाको महिलातर्फ नेपालले दुई खेलमा हार बेहोरेको छ ।

समूह डी मा रहेको नेपालले आइतबार समूह चरणको दुई खेल गुमाएको हो । नेपाल पहिलो खेलमा मलेसियासंग ३ - ० अंकले पराजित भयो । दोस्रो खेलमा पनि नेपाल सिंगापुरसंग ३ - ० ले नै पराजित भयो ।

अब नेपालले हङकङ र भियतनामसंग खेल्न बाँकी रहेको छ । महिला टिम स्पर्धामा नेपालबाट नविता श्रेष्ठ, रबिना महर्जन र स्वेच्छा नेम्बाङ रहेकी छिन् ।

पुरुष टिम स्पर्धाको पहिलो खेलमा नेपाल चीनसंग ३ - ० ले पराजित भयो  । समूह ए मा रहेको नेपालले आजै मलेसियासंग खेल्नेछ  ।

टिम स्पर्धामा नेपालबाट स्याण्टु श्रेष्ठ, दीप साउन र अमरलाल मल्ल रहेका छन्  ।