एजेन्सी । नेदरल्यान्ड्समा आयोजना हुने फर्मुला वानको प्रतियोगिता डच ग्राण्ड प्रिक्स रद्द भएको छ ।
विश्वमा फैलिएको कोरोना भाईरसको कारण स्थगित प्रतियोगिता रद्द भएको हो ।
यस अघि डच ग्राण्ड प्रिक्स गत मे ३ मा हुने तय थियो । तर, कोरोनाको कारण प्रतियोगिता स्थगित गरिएको थियो ।
अब प्रतियोगिता अर्को वर्ष मात्र हुनेछ ।
'हामी यस दौडका लागि पूर्ण रूपमा तयार थियौं र हामी अझै छौँ,' प्रतियोगिताका निर्देशक जान लामर्सले भने , 'हामी सबैलाई धैर्य गर्न आग्रह गर्दछौं । मैले ३५ वर्ष पर्खनु पर्यो । त्यसैले म अर्को वर्ष पर्खन सक्छु ।'
कोरोनाको कारण यस वर्ष फर्मुला वानको प्रतियोगिताहरु आयोजना भएको छैन ।
