एजेन्सी । कोरोना भाईरसको कारण इंग्लिस क्लब एस्टन भिल्लाका मुख्य प्रशिक्षक डिन स्मिथका बुबाको निधन भएको छ ।
प्रिमियर लिग क्लब एस्टनले मुख्य प्रशिक्षक स्मिथको बुबा रोन स्मिथको निधन भएको पुष्टी गरेको छ ।
अल्जाइमर रोगको विरामी उनलाई एक साता अघि कोरोना देखिएको थियो ।
'एस्टन भिल्लाका मुख्य प्रशिक्षक डिनको बुबाको ७९ वर्षको उमेरमा निधन भएको खबर घोषणा गर्दा एस्टन भिल्ला परिवार दुख व्यक्त गर्दछ,' एस्टनले भनेको छ ।
स्मिथको बुबा एस्टनका समर्थक रहेका थिए । उनले भिल्ला पार्कमा काम समेत गरेका थिए ।
