काठमाडौं । आयोजक गोल्डेनपिक र ग्रिनल्याण्डले स्कुल सातौं गोल्डेनपिक अन्तर स्कुल बास्केटवल प्रतियोगिताको जुनियर ब्वाईजतर्फ फाइनलमाप्रतिस्पर्धा गर्ने भएका छन् ।
शुक्रबार भएको सेमिफाइनलमा गोल्डेनपिकले लालीगुँरासलाई १६–१० को स्कोरमा हराएर फाइनल यात्रा तय गर्यो । गोल्डेनपिकका लागि उत्कृष्ट प्रदर्शन गरेका प्रवेश राईले सर्वाधिक ८ अंकको योगदान दिए । त्यस्तै दोस्रो सेमिफाइनलमा ग्रीनल्याण्डले नवजिवन एकेडेमीमाथि १८–१२ को जित निकाल्दै गोल्डेनपिकसंगको भिडन्त पक्का गर्यो ।
सिनियर ब्वाइजमा ग्रिनल्याण्ड र भ्यालीपब्लीकले फाईनलमा स्थान पक्का गरेका छन् । पहिलो सेमिफाइनल खेलमा ग्रिनल्याण्डले ह्विजकिड्स एकेडेमीलाई ३७–२५ को स्कोरमा हराउदा अभिशेष श्रेष्ठले सर्वाधिक १६ स्कोर गरे । त्यस्तै दोस्रो सेमिफाइनलमा भ्यालीपब्लीकले रिलायन्सलाई ५८–४० हराउदा राहुल विकले सर्वाधिक २२ स्कोरको योगदान दिएका थिए ।
