युनाईटेडले केनमाथि कीर्तिमानी रकम खर्च नगर्ने

एजेन्सी । म्यान्चेष्टर युनाईटेडले नयाँ सिजनका लागि खेलाडी सरुवा बजारमा ठुलो पैसा खर्च नगर्ने बताएको छ ।

प्रिमियर लिग क्लब टोटेनहमकै खेलाडी ह्यारी केन अनुबन्धको प्रयास गरिरहेको युनाईटेडले समर ट्रान्सफरमा ठुलो रकम खर्च नगर्ने स्पष्ट पारेको हो ।

क्लबका प्रमुख एड वुडवर्डले युनाईटेडले समर ट्रान्सफरमा धेरै पैसा खर्च नगर्ने प्रष्ट पारेका छन् । उनले ह्यारी केनलाई विश्व कीर्तिमानी मुल्यमा लिन नसकिने समेत बताएका छन् ।

युनाईटेडले अनुबन्धको ईच्छा देखाएको केनमाथि टोटेनहमले २ सय मिलियन पाउण्डको मुल्य निर्धारण गरेको थियो । उसले आफ्ना फरवार्ड अनुबन्ध गर्न कीर्तिमानी मुल्य कायम गर्नुपर्ने बताएको थियो ।

तर वुडवर्डले केनमाथि २ सय मिलियन पाउण्डको मुल्य वास्तविक नभएको बताएको छ । उनले आगामी ट्रान्सफर विन्डो सधैको व्यवसाय जस्तो नहुने समेत उल्लेख गरे ।

यसअघि म्यान्चेष्टर युनाईटेडका प्रशिक्षक आले गुनर सोल्सायरले क्लबले वित्तीय अवस्थाको फाईदा उठाउन सक्ने बताएका थिए । तर क्लबका प्रमुखले नयाँ सिजन कुनै ठुला सरुवामा युनाईटेडले हात हाल्न नसक्ने स्पष्ट पारेका हुन् ।

युनाईटेड प्रमुख उडवर्डले चेल्सी स्टार कान्टे र बोरुसिया डर्टमण्डका जाडोन साञ्चो अनुबन्धमा आफुहरु बाहिर नभएको स्पष्ट पार्दै सय मिलियनको मुल्य निर्धारण अवास्तविक भएको बताएका छन् ।

केनको टोटेनहमसंगको सम्झौता सन् २०२४ सम्म बाँकी रहेको छ । उनले उपाधि जित्ने लक्ष्य निर्धारण गर्न सकेको अवस्थामा क्लब छाड्न आफु तयार रहेको बताएका थिए ।

केनको सो भनाईसंगै टोटेनहम प्रमुख ड्यानियल लेवी खुसी छैनन् । ईङ्ल्याण्ड कप्तानको भनाईसंगै उनले २ सय मिलियन पाउण्डमा क्लबका फरवार्ड बेन्च सकिने बताएका थिए ।

उनले केनमाथि विश्व कीर्तिमानी रकमको मुल्य निर्धारण गरेका थिए । यसअघि सन् २०१७ मा फ्रान्सेली क्लब पेरिस सेन्ट जर्मेन (पीएसजी)ले बार्सिलोनाबाट नेयमारलाई कीर्तिमानी १ सय ९८ मिलियन पाउण्डमा अनुबन्ध गरेको थियो ।

महामारीका कारण प्रशंसकलाई सम्बोधन गर्दै युनाईटेड प्रमुख वुडवर्डले क्लब सिजनको समाप्त गर्न चाहेको बताएका छन् ।

उनले भनेका छन्, 'तपाई जस्तै, हामीपनि आफ्नो टिम मैदान फर्किएको हेर्न उत्सुक छौ । जसरी हामीलाई सल्लाह दिईएको छ, यो सुरक्षित छ । आशा गरौ सिजन पुरा हुनेछ । अझै प्रिमियर लिगमा हाम्रो बाचा यही छ । युरोपा लिग र एफ ए कप निलम्बित गरिएको छ ।' 

'बन्द रंगशालामा फुटबल खेल्न सकिनेछ । हामी सबै मान्छौ जब सम्म दर्शक फेरी एक पटक मैदानमा देखिदैनन्, तबसम्म फुटबल पुरै रुपमा सामान्य हुने छैन ।' उनले थपे ।