काठमाडौं । होप भ्याली स्कुलले चौथो स्किब्स थ्रि वाई थ्रि अन्तरबिद्यालयल बास्केटबल प्रतियोगिताको सिनियर ब्वाईजतर्फ उपाधि जितेका छन् ।
बसुन्धरास्थित आयोजकको प्राङ्गणमा मंगलबार भएको प्रतियोगितामा होपले विल्सन एकेडेमीमाथी २१–२० को झिनो अन्तरले पराजित गर्यो । होप भ्यालीका सिजन महत उत्कृष्ट खेलाडी घोषित भए ।
यस्तै गल्र्स सिनियरतर्फ आयोजक स्किब्सलाई पाखा लगाउँदै निम्सले उपाधी हात पार्यो । निम्सले आयोजकमाथी २१–६ को जित निकाल्न सफल भयो । निम्सकी सरस्वती बुढाथोकी उत्कृष्ट खेलाडी चुनिईन् ।
ब्वाईजको जुनियरतर्फ महा मञ्जुश्रीले एञ्जल हर्टमाथी २१–१६ को जित निकाल्दै ट्रफी चुम्न सफल भयो । एञ्जलका रमिन लामा उत्कृष्ट खेलाडी भए ।
श्री चन्द्रबिन्दु ईङ्गलिस स्कुल (स्किब्स) द्वारा आयोजित तीन दिने प्रतियोगिताको बिजयी स्कुल तथा खेलाडीहरुलाई टोखा नगरपालिकाका मेयर प्रकाश अधिकारीले ट्रफी, मेडल र प्रमाण पत्र वितरण गरेका थिए ।
