'मुलर वायर्नका प्रतीक हुन्'

एजेन्सी । जर्मन क्लब वायर्न म्युनिखका अध्यक्ष हर्बर्ट हेनरले स्ट्राइकर थोमस मुलर क्लबको प्रतीक भएको बताएका छन् ।

अध्यक्ष हर्बर्टले म्युनिख शहरको चिनारीको रुपमा रहेको ओक्टेबरफेस्ट फेस्टिभल जस्तै मुलर पनि क्लबको प्रतीक भएको बताएका हुन् ।

जर्मनीका विश्वकप विजेता मुलरले मंगलबार वायर्नसँग दुई वर्ष क्लबमा रहनेगरि सम्झौतामा नवीकरण गरेका थिए ।

'यो अवश्य पनि धेरै राम्रो समाचार हो र मैले यो सुन्दा अत्यन्तै खुशी भएको छु,' अध्यक्ष हर्बर्टले भने, 'थोमस मुलर नायक हुन् । वायर्न म्युनिखका प्रतीक । उनले फुटबल खेल्ने अधिकांस समय यहाँ बिताए ।'

मुलरले सम्झौता सकिन एक वर्ष बाँकी रहदै क्लबसँग नवीकरण गरेका थिए । सम्झौतासँगै मुलर सन् २०२३ सम्म क्लबमा रहनेछन् ।