काठमाडौं । आयोजक गोल्डेनपीक स्कुलले सातौं गोल्डेनपीक अन्तर बिद्यालय बास्केटबल प्रतियोगिता विजयी सुरुवात गरेको छ ।
सरस्वतीनगरस्थित गोल्डेनपीकको कोर्टमा भएको उद्घाटन खेलमा सिनियर छात्र तर्फ आयोजक गोल्डेनपिकले बेबिलोन स्कूलाई ४७–३५ ले पराजित गर्यो । गोल्डेनपीकका लागि लाक्पा शेर्पाले सर्वाधिक १५ स्कोर गरेका थिए ।
त्यस्तै प्रतियोगितामा ग्रीनल्याण्डले दोहोरो जित निकालेको छ । जुनियर छात्र तर्फको खेलमा ओडीसीमाथि १५–१४ को कठिन जित निकाल्न सफल भयो । सुरेश गुरुङले ग्रीनल्याण्डका लागि सर्वाधिक ६ स्कोर गरे । सिनियर छात्रको खेलमा ग्रीनल्याण्डले न्यू बुद्धलाई ३३–२० ले हराउँदा राजीव आलेले १० स्कोर गरे ।
ह्वीज किड्सले रिलायन्सलाई ३२–२६ को स्कोरमा हराउँदा प्रसिद्ध थापाले १३ स्कोर गरेका थिए । जुनियर छात्रमा एन्जल हर्टले हिमशीलालाई ३३–२१ को स्कोरमा पछि पार्दा कोशिस केसीले सर्वाधिक २० स्कोर गरे । जुनियर तर्फ लालीगुराँसले नवजीवनलाई १५–९ को स्कोरमा हरायो ।
आगामी भदौ ९ गतेसम्म संचालन हुने प्रतियोगितामा दुवै समूहका १२ टिम रहेका छन् ।
