काठमाडौं । उज्वेकिस्तानले एसियन भलिबल कन्फेडेरेसन (एभिसी) सेन्ट्रल जोन सिनियर पुरुष भलिबल प्रतियोगितामा विजयी सुरुवात गरेको छ ।
सोमबार भएको खेलमा बंगलादेशलाई ३-० को सेटमा पराजित गर्दै उज्वेकिस्तानले विजयी सुरुवात गरेको हो ।
लगनखेलस्थित त्रिभुवन आर्मी क्लबको शारीरिक तालिम तथा प्रशिक्षण केन्द्रको कभर्डहलमा उज्वेकिस्तानले बंगलादेशलाई २५-१६, २५-१६ र २५-२३ को सेटमा पराजित गर्यो ।
जितसँगै समूह 'बी' को उज्वेकिस्तानले २ अंक जोडेको छ । बंगलादेशले भने हारबाट प्रतियोगिताको सुरुवात गरेको छ ।
अब उज्वेकिस्तानले दोस्रो खेलमा मंगलबार तुर्कमेनिस्तान र बंगलादेशले अफगानिस्तानको सामना गर्नेछ ।
