विशाल र विनोद राष्ट्रिय टिमबाहिर

काठमाडौं । विशाल विक र विनोद बहादुर चन्द नेपाली राष्ट्रिय भलिबल टिमबाट बाहिरिएका छन् ।

घरेलु भूमिमा जारी एसियन भलिबल कन्फेडेरेसन (एभिसी) सेन्ट्रल जोन सिनियर पुरुष भलिबलका लागि १२ खेलाडी मात्र राख्न पाउने भएपछि विशाल र विनोद टिमबाट बाहिरिएका हुन् ।

यसअघि नेपालले प्रतियोगिताका लागि १४ खेलाडी छनोट गरेको थियो । तर, प्रतियोगिताका लागि अन्तिम नामावली पठाउँदा १२ खेलाडी राख्नु पर्ने हुँदा प्रशिक्षक हान एबिङले स्पाइकर विशाल र लिवेरो विनोदलाई टोलीबाट बाहिर राखेको हो ।

प्रतियोगितामा नेपालले अहिले किर्गिस्तानसँग प्रतिस्पर्धा गरिरहेको छ । समूह 'ए' मा रहेको नेपालले अर्को खेलमा माल्दिभ्ससँग खेल्नेछ ।

नेपाली टिम :

ईम बहादुर राना मगर (कप्तान)

कुलबहादुर थापा (उपकप्तान)

दिपक राज जोशी

धनबहादुर भट्ट

राजेन्द्र विष्ट

टेकराज अवस्थी

हरिबहादुर अधिकारी

दुर्गा बहादुर खड्का

नरेन्द्र गिरी

ईश्वर थापा मगर