काठमाडौं । भलिबल प्रशिक्षक कपिल किशोर श्रेष्ठ सम्मानित भएका छन् । प्रशिक्षक श्रेष्ठलाई शनिबार जावलाखेल युथ क्लबले सम्मान गरेको छ ।
भलिबलको माध्यमबाट नेपाली खेलकुदमा योगदान पुर्राएको भन्दै श्रेष्ठलाई क्लबले सम्मान गरेको हो । तीन दशक बढी भलिबलमा बिताएका श्रेष्ठको त्याग र समर्पणको मुल्यांकन गरेर सम्मान गरिएको क्लबले जनाएको छ ।
प्रशिक्षक श्रेष्ठलाई ललितपुर महानगरपालिकाका प्रमुख चिरीबाबु महर्जन, क्लबका पदाधिकारीले सम्मान गरेका थिए ।
नेपाली राष्ट्रिय महिला भलिबल, पुरुष भलिबल टिमको प्रशिक्षक रहिसकेका प्रशिक्षक श्रेष्ठ जावलाखेल क्लबबाटै भलिबल खेलेर हुर्किएका थिए ।
प्रशिक्षक श्रेष्ठ निकै सफल प्रशिक्षक मानिन्छन् । राष्ट्रिय खेलकुद परिषद (राखेप) को मुख्य प्रशिक्षक समेत रहिसकेका श्रेष्ठले विभागीय टिमबाट थुप्रै उपाधि जितेका थिए ।
