काठमाडौं । स्किब्सले चौथो बीआईबी अन्तरविद्यालय बास्केटबल प्रतियोगिताको सिनियर गल्र्समा शुक्रबार मिश्रित प्रदर्शन गरेको छ ।
बौद्ध इन्टरनेसनल स्कुलद्वारा आयोजित प्रतियोगितामा डाफोडिलले स्किब्सलाई २६–१९ ले पराजित गर्यो। डाफोडिलकी सोनिया खत्रीले १५ अंक जोडिन् । बुद्ध एकेडेमीलाई भने स्किब्सले २९–१४ ले हरायो । स्किब्सकी अप्सरा पौडेलले ११ स्कोर गरिन् ।
सिनियर गल्र्समै न्यु बुद्ध प्रकाशले कान्जिरोवालाई २४–१२ ले पाखा लगायो । विजयी टिमका लागि पासाङ तामाङले ११ अंक जोडिन् ।
सिनियर ब्वाइजमा टेरेसाले न्यु बुद्ध प्रकाशलाई ५३–४१ तथा रुपिजले मेरिडियन इन्टरनेसनललाई ५३–१६ ले पराजित गरे । टेरेसाका अर्जुन थापाले २२ तथा रुपिजका आदित्यले १९ अंक जोडे ।
