काठमाडौं । आयोजक बौद्ध इन्टरनेसनल स्कुल (बीआईएस) ले चौथो बीआईबी अन्तरविद्यालय बास्केटबल प्रतियोगिताको सिनियर ब्वाइजमा बिहीबार विजयी सुरुआत गरेको छ ।
बीआईएसले ज्ञानदीपलाई ४६–२८ ले पराजित गर्यो । विजेताका अर्जुन क्षेत्रीले २८ अंक जोडे । सोही स्पर्धामा अरुणिमाले छहारीलाई २६–२१ ले हरायो । अरुणिमाका विश्वास खवासले १३ अंक जोडे ।
सिनियर गल्र्समा रुपिज इन्टरनेसनलले कान्जिरोवालाई २३–१२, न्यु बुद्ध प्रकाशले अर्बिटलाई २०–१९ र द चाँदबागले आयोजक बीआईएसलाई २८–१८ ले पन्छाए ।
रुपिजकी विनामणि लामाले ९, न्यु बुद्ध प्रकाशकी पासाङले १२ र चाँदबागकी सुर्मा ठेबेले ७ स्कोर गरे ।
