सेब भलिबल बिहिबारबाट

काठमाडौं । सामाखुशी इङलिस बोर्डिङ स्कुल (सेब) को मुख्य प्रायोजन तथा ढोरपाटन क्लबको आयोजनामा पाँचौं सेब टु ए साइड पुरुष भलिबल प्रतियोगिता बिहीबार (भोलि) बाट सुरु हुने भएको छ ।

तीनदिने प्रतियोगिताको सम्पूर्ण तयारी पुरा भएको सेबका संस्थापक प्रिन्सिपल युवराज थापाले जानकारी गराएका छन् ।

प्रतियोगितामा १ सय १७ टिमको सहभागिता रहने छ । प्रतियोगिताको विजेताले १ लाख, उपविजेताले ५० हजार, तेश्रोले २५ हजार र चौथोले १० हजार नगद पुरस्कार प्राप्त गर्ने छन् ।

गत संस्करण भन्दा पुरस्कार राशीमा दोब्बर भन्दा बढीले बृद्धि गरिएको हो । गत संस्करणमा शीर्ष चार स्थान हात पार्नेले क्रमशः ४० हजार, २० हजार, १० हजार र ५ हजार नगद पुरस्कार पाएका थिए ।

प्रतियोगिताका खेलहरु नयाँ बसपार्कमा हुनेछ । गत संस्करणको उपाधि आर्मीका दिल सुनार र प्रकाश थापाको जोडीले जितेका थिए ।