काठमाडौं । भलिबलका मान बहादुर श्रेष्ठसहित चार खेलाडी सुकीर्ति पदकबाट विभूषित भएका छन् ।
नेपाल सरकारले प्रदान गर्ने सुकीर्ति पदकबाट मानसँगै भलिबलकै भैरब बम तथा एथलेटिक्सका सोमबहादुर कुमाल र विश्वरुपा बुढा विभूषित भएका छन् ।
पदकबाट विभूषित चार खेलाडीलाई त्रिभुवन आर्मी क्लबले बुधबार पदक प्रदान गरेको छ । चार खेलाडी नै आर्मीका खेलाडी हुन् ।
गणतन्त्र दिवसको अवसरमा राष्ट्रपति विधादेवी भण्डारीले घोषणा गरेको पदक खेलाडीले बुधबार पाएका हुन् ।
