काठमाडौं । एसियन साम्बो च्याम्पियनसिपमा नेपालका १५ खेलाडीले प्रतिस्पर्धा गर्ने भएका छन् । भारतको दिल्लीमा हुने प्रतियोगितामा नेपालबाट ४ महिला खेलाडी सहित १५ जनाले प्रतिस्पर्धा गर्ने तय भएको हो ।
प्रतियोगिता भदौ २६ देखि ३० गतेसम्म दिल्लीमा आयोजना हुदैछ ।
एसियन च्याम्पियनसिपमा नेपालबाट भगवती माझी, सब्बा रानी महर्जन, मिरा पौडेल, रचना लामा, कृण्णलाल तामाङ, दिनेश महर्जन, सुसन लामा, प्रविन गुरुङ, सुदिप आचार्य, रविन तामाङ, प्रदीप प्रसाद पाण्डे, श्रीजेस श्रेष्ठ, आशिष तामाङ, बिकल छत्याल र सुदीप थापा रहेका छन् ।
यस्तै नेपालबाट ५ जनाले रेफ्री सेमिनारमा समेत सहभागीता जनाउने नेपाल साम्बो महासंघका अध्यक्ष धनन्जय श्रेष्ठले बताए ।
भदौ २४ र २५ मा दुई दिन हुने रेफ्री सेमिनारमा सब्बा रानी महर्जन, गोपाल पुन, कृण्णलाल तामाङ, दिनेश महर्जन र सुसन लामा सहभागी हुनेछन् ।
